uhujumu!!!

mswada dhidi ya unajisi na hatia za ngono.

2006-04-26T11:22:00.000+03:00

Mbunge maalum bi. Njoki Ndungu atiweka rekodi kwa kuwa mbunge wa pili tu

aliyewasilisha mswada wa kibinafsi bungeni. wakwanza alikuwa ni marehemu j.m kariuki,

aliyewasilisha mswada wa "hire purchase"

Mswada wa Njoki unakisia kuwaadhibu wanaoendeleza maovu ya kunajisi wanawake

na haswa watoto.

Ni jukumu la wabunge kuupitisha mswada huu muhimu ili tatizo hili

liweze kupata suluhisho.

serikali yaidhinisha ijumaa 21 aprili. kama sikukuu ya maombi

2006-04-19T11:40:00.000+03:00

Kutokana na msiba ulijiri nchini wiki iliopita, serikali imetenga siku ya ijumaa tarehe 21 aprili
kama siku ya maombi.
Rais wetu mtukufu, Mwai Kibaki ataliongoza taifa katika ibaada ya maombi ya makanisa yote.
Ibaada hii itakuwepo hapo KICC mwendo wa saa saba adhuhuri.
Hivo basi serikali imeitenga siku hiyo kama sikukuu maalum ili kuwezesha wakenya wengi kuhudhuria ibaada hiyo.
Pia kutakuwa na maombi kama haya katika viti vyote vya serikali vya mikoa, wilaya na hata tarafa zote nchini.
Sote tujitolee tufike ili tuweze kumrudishia mola sifa zake na pia kuombea nchi yetu tukufu.
ripoti hii imechapishwa kwenye mtandao wa msemaji rasmi wa serikali

tuzo za KBW-2006

2006-04-13T14:50:00.000+03:00

Yamkini mashabiki wa toleo hili la Uhujumu wameamua
kuliteua kama mojawapo ya zile blogu ambazo wanaKBW
watazipigia kura.
Nawashukuru nyote ambao mmefurahia uhujumu na pia
kwa wale ambao ni mara ya kwanza kuitembelea uhujumu.

Mimi kama mhujumu, nitazidi kuangazia mambo ambayo
yanaadhiri mila desturi na mienenendo yetu sis waafrika.
Natumai kwamba mtaipigia uhujumu kura kama
"blogu inayopendeza isiyo ya kimombo, ama ukipenda, kiingereza."

Nanyi wanaKBW nawasihi mpige kura kwa wingi.
Ni haki yako kama MwanaKBW kupiga kura yako.

Na kwa wale wengine ambao wameteuliwa, nawapa
hongera na kuwatakia mema.

Kwa mara ingine, shukrani, na pigia uhujumu kura

KENYA YAPOTEZA SHUJAA...

2006-04-11T09:05:00.000+03:00

Mkono wa kifo umeipokonya nchi yetu tukufu shujaa 14.

hapo jana mwendo wa saa tano asubuhi, ndege ya kijeshi (aina Y-12 ambayo imeundwa na kampuni ya uchina iitwao Harbin Aircraft Manufacturing Corporation)
iliokuwa ikiwasafirisha maafisa wa ngazi ya juu wa serikali paoja na viongozi wa eneo la magharibi mwa kenya, ilipata ajali.

Yamkini hali mbaya ya anga ilisababisha ajali hii kwani kulikuwa na mvua nyingi mno.
Viongozi hawa walikuwa safarini kueleka kwenye mkutano wa kuleta amani katika eneo hilo.
Hivi maajuzi kulikuwa kumezuka vita kati ya jamii tofauti zinazoishi huko magharibi kenya.

Walioaga dunia ni makamu kiongozi rasmi wa upinzani bungeni na pia mbunge wa eneo la North horr, daktari Bonaya Godana. Pia alikuweko waziri msaidizi wa usalama wa taifa na pia mbunge wa eneo la Nakuru mjini,mheshimiwa Mirugi kariuki aliyekuwa akiongoza ujumbe huo. Pia alikuweko waziri msaidizi wa maendeleo ya maeneo na pia mbunge wa laisamis, mheshimiwa Titus Ngoyoni.

wengineo ni waheshimiwa abdi sasura (mbunge wa saku), guracha galgallo (mbunge wa moyale) na liuteni kanali mstaafu abdulahi aden, wa bunge la afrika mashariki. Mkuu wa wilyaya ya moyale bwana peter king'ola na pia mkuu wa polisi wa mkoa wa mashariki
bwana thomas chigamba walifariki.Mchungaji william wako wa kanisa la anglikana,meja david macharia njoroge, kapteni joseph njogu mureithi,
gibert siang'a katibu mdogo msaidizi ofisi ya rais, konstabu yusuf nguyo na bwana john ouma wa kitengo cha intelligence, pia waliaga dunia.

Kenya haijawahi kupata mkasa wa ajali aina hii ambao imeangamiza maafisa na viongozi wengi hivi.Ni huzuni kuwa wilaya za marsabit na moyale zimewapoteza wajumbe wao wote.
Vifo hivi pia vimeongeza jumla ya wabunge ambao wameaga dunia kufikia 13, tangu kikao hiki cha bunge ya tisa kuapishwa. Kwa kweli ni hofu kuu kwa rais wetu mtukufu mheshimiwa Mwai Kibaki, pia kwa wananchi wa kenya na hata afrika mashariki kw ujumla.

Twaombea heri na baraka kwa walionusurika kifo.
kwa jamii za waliofariki, Mwenyezi Mungu awape nguvu na faraja wakati huu mgumu.
Kwa wananchi wa sehemu zote zilizoadhiriwa, poleni sana, mimi nikiwa mmoja wao.( mbunge shujaa mirugi kariuki alikuwa ni kiongozi wa eneo nalotoka la nakuru mjini)

Pia kwa wakenya wote na hata afrika mashariki, tumshukuru Mola kwa baraka zake.
Mwisho ningependa kuzisihi jamii za eneo la magharibi mwa kenya kukumbatia amani
na uwiano ili msiba huu usiwe mtupu.

MUNGU AIBARIKI KENYA....

unajisi (yani RAPE)

2006-03-29T15:17:00.000+03:00

muda umewadia wa sisi kuwacha mchezo!!!
leo nitaangazia shutma hii ya kishetani ya unajisi.
magazeti yameripoti kwamba dada 15 walinajisiwa
juzi usiku walipotoroka shule. Walitoroka shule mwendo wa saa
sita usiku. walikuwa wamepanga kufika hadi kwa mkuu wa wilaya
ya nyeri ili kuwasilisha malalamiko yao.
muda tu walipotoroka, ila genge la majambazi likawavamia na kuwanajisi
yamkini dada 15!!!!!!!!!
huu ni unyama na ukatili mbaya sana!!!

na si huko pekee....

Huko naivasha, kijana mmoja amwkuwa akimnajisi dada yake (ole wetu!!!!)
na isitoshe, amekuwa akiwaita marafiki zake na pia hao wanamnajisi dadake
mdogo!!! sasa wamemwambukiza maradhi ya zinai na pia wao wenyewe
wamejiambukiza!!!!
ni kwa nini twakubali maovu kama haya kutoke nchini??
serikali inafaa kuchukua hatua kabambe na kali sana dhidi ya
watovu hawa ambao wanaleta aibu kati yetu na jamii!!!
ni vizuri kuwa mbunge maalum, njoki ndung'u anatayarisha maswada utakao jadiliwa na bunge.
bunge halina budi ila kuupitisha mswada huu ili vinyama hivi ambavyo vinaleta madhara
viangamizwe!!!!
ni jukumu letu haswa waume kuwalinda kina dada zetu, na pia kuwatunza
watoto dhidi ya unajisi!!!!
nawaomba wakenya na waafrika kwa jumla kuwa waangalifu!!!

homa ya bird flu

2006-03-09T18:51:00.000+03:00

hivi majuzi, kumetokea vifo vya ndege kadhaa humu nchini. serikali kupitia wizara zake imefanya uchunguzi wake na kuthibitisha kuwa homa hii ya bird flu haimo nchini.
lakini kutokana na vifo hivi ambavyo vimetokea sehemu kadha nchini, nafikiri kwamba
serikali inaficha ukweli, kisa na maana, hatujui.
homa hii ilifika kwanza Nigeria na kisha kuenea hadi Ethiopia. kwa sasa kulingana na mienendo ya ndege wa pori wanaosafiri, kenya haimo kwenye matata. lakini ndege hawa katika hali yao ya kusafiri kaskazini mwa afrika, kuna uwezekano kuwa walikutana na ndege wengine humu nchini na kuwaambukiza. juzi hapa nairobi, ndege wakubwa waitwao marabou stocks wamefariki na kuanguka kutoka kwa makao yao mitini, bila ya yeyote kuwachokoza!!!! hii inaonyesha kuwa kunauwezekano wa homa hii kuwa nchini!!!
lakini kama kawaida, serikali ilikataa na ilipochunguza, iliazimia kuwa ni homa aina ya newcastle.
ole wetu wakenya kama ukweli umefichwa!!!

tatizo la ukabila

2006-03-01T10:39:00.000+03:00

ukabila ni nini?? hili ni swali ambalo limeleta jinamizi na mtafaruko kati yetu wakenya. Nafikiri ukweli wa mambo ni kuwa ukabila umetokana na siasa mbaya ambazo nchi yetu imesingizia kwa muda. ndugu zetu watanzania hawana shida ya ukabila pia wanauganda nafikiri hawana shida ya ukabila.
wakenya wamepotozwo na viongozi wao wa kisiasa na kusingiziwa kuwa kuna mvutano kati ya kabila za wakenya. suluhisho ni kutumia lugha moja haswa kiswahili ambayo wakenya kwa ujumla wanijua. pia ni wakati wa vijana kuuchukua mwongozo wa nchi hii tukufu.
wakenya mara kwa mara huelezwa kuwa ni wakati wa kundi au kabila fulani "kula".
huu ni upotofu ambao unastahili kukemea kwa hima na dhati!!
sisi kama vijana tusizidi kudanganywa na kupotoshwo. Wakati wa uchaguzi inafaa tuwateuwe viongozi wanaoashiria mipango ya maendeleo nchini na wala si wale ambao wantumia ukabila kama ngao yao. Kwa kweli ni huzuni kuelezwa kuwa vijana hawataweza kujiandikisha kama wapigaji kura kwa muda wa miezi sita kwa sababu hawataweza kupata vitambulisho!! huu ni msiba na pia ufisadi. ni kwa nini serikali ilipeana kandarasi ovyo kwa kampuni ambayo haitoweza kukamilisha kazi ya kutayarisha fomu za kusajili wanachi???
lakini ni vema kujua bado kuna mda. Mwaka ujao kwa mjalio. nawasihi vijana kujiandikisha kwa wingi ili tuing'atue mwongozo huu wa wazee ambao wanpotosho nchi.
watanzani walipiga kauli moja na kumchagua rais shupavu na ambaye anayaelewa mahitaji ya vijana. Waganda pia waliazimia kuuendeleza mwongozo wa rais museveni ambaye kwa maono yangu, anayaelewa mahitaji ya vijana.
Hivo basi ni jukumu la sisi vijana wa kenya kukataa ukabila na shinikizo la viongozi waliopo sasa. ( namaanisha wote wa milengo yote...KANU, LDP , NAK, DP .FORD...na kadhalika. )
wakati ni wetu vijana.

siku hii ya valentino...uchaguzi wa urais huko Uganda

2006-02-22T08:28:00.000+03:00

Juma lillilopita, wengi wetu (hasa wanaume) tulijipata mashakani au matatani. hii ilitokana na mtindo na desturi ya wabeberu ya kulazimu wapendanao kuazimisha siku ya valentino. Lakini ningependa kuuliza, ni nini haswa kiini cha maazimish haya? Ni kwa nini wapenzi kuichukua siku hii kuwa muhimu? maoni yangu ni kwamba sisi kama waafrika hutafai kuazimisha mapenzi yetu siku hii pekee. kwani mapenzi si jambo la siku moja tu. Wanawake wameichukua siku hii kuwa muhimu maishani mwao. Watajipodoa na kujitayarisha ili wawafurahishe wapenzi wao. Kwa wale ambayo kwa sababu kadha hawanampenzi siku hiyo, wao huichukia siku ile au kutoiazimisha. Akina ndugu pia wao hujitolea kuwafurahisha wapenzi wao. Lakini ni kwa nini sisi kama waafrika twayafuata mambo ya mkoloni hivi?? Hatuna desturi zetu ambazo twaweza kuimarisha na kufuata?

Uchaguzi wa urais huko Uganda utakuwa hapo kesho. Hii ni fursa murwa kwa ndugu zetu kubadilisha mwongozo wa nchi yao. dugu zetu watanzania waliweza kufanya uchaguzi wa kihistoria walipomteuwa rais Kikwete kama kiongozi wao. Hongera kwenyu Watanzania. Ningependa kuwapa chanja moto Waganda (ama Wanauganda?) wajitolee na kujijumuisha kwa shughuli hii muhimu. Kwa sasa mwongozo mpya wa kisiasa unaimarika katika afrika mashariki. Ni jukumu letu kama wafrika kuuneza mwongozo huu hata kwa afrika nzima.Mwaka ujao,wakenya watakwenda kwenye uchaguzi wa urais na pia wa bunge. Hii itakuwa ni fursa muhimu wa kudhibitisha msingi wa demokrasia na utawala wa sheria nchini.

Hivo basi ndugu zetu waganda, twawaombea Mola ili amani na umoja ijitokeze wakati huu muhimu kwa historia ya nchi yenu.

Itakuwa furaha kabambe wakati tutakapoimarisha umoja wa afrika mashariki. Itakuwa ni fursa halisi ka kisiasa, Kiuchumi na pia kimila, kwani Afrika mashariki itakuwa nchi moja. Nafikiri huu utakuwa mwongozo mpya na utaweza kudumisha mila, desturi na mienendo yetu.

Nawashukuru.

shukrani

2006-02-13T10:04:00.000+03:00

nawashukuru nyote mlioniandikia wiki iliopita.Mshairi ameniuliza ni kwa nini jina la blogu ni "mhujumu wa sanaa zetu".
Maana ya jina hili ni kwamba ni vizuri kuwajulisha wanaotembelea blogu kuwa kile watsoma hapa ni sanaa tamthilia mila na desturi zetu waafrika na hasaa wale wanaoelewa kiswahili. kimombo nakielewa lakini ni vizuri sisi kama waafrika kuwasiliana kwa lugha ambayo mbeberu hatoelewa.
ningependa kumshukuru pia ndesanjo kwa kuimulika blogu hii.
kwa sasa mimi husoma blogu za ndugu zetu waliyo dayaspora na kuashiria mienendo ambayo yaweza kuwapotosha hasa wakiwa ng'ambo. Kwa mfano nimeweza kusoma blogu nyingi za kina dada zetu na kwa kweli kutokana na wanayoandika, inakaa kana kwamba hawafuati mila na desturi zetu. Si eti nawaingilia lakini sioni ni nini cha maana kwa dada akiashiria eti kwamba yeye anaufurahia upweke wake na kwamba hana shida na hali hiyo. pia kina ndugu zetu wengine wao wanaandika kuhusu vile wanavojihusisha na tabia za kupotosha na za makafeli. kw hiyo nawaomba tuzidi kulinda mila na desturi zetu. Wanasanaa wetu pia na wanasarakasi na wale wanapend tamthilia ni muhimu wajitokeze ili kuulinda mwenendo halisi wa wanaafrika.
mwisho .

karibuni

2006-02-10T14:10:00.000+03:00

mila na desturi zetu kama wakenya ni nyingi muno na muhimu. sisi kama wakenya twafaa tulinde mienendo yetu na pia mila zetu. nawaomba nyinyi wote mulioko ddayaspora muwe watulivi na msiporotoshwe na walio na nia mbaya.

maana ya blogu hii ni kuwajulisha umuhimu wa sanaa, tamthilia, desturi na mila zetu.
karibuni.